1.-
PRESENTACIÓN.
O
Programa Estatístico Anual da Comunidade
Autónoma de Galicia para o 2010, aprobado polo Decreto 433/2009, do 11
de decembro, e o Programa Estatístico Anual da Comunidade Autónoma de
Galicia para o 2011, aprobado polo Decreto 213/2010, do 16 de decembro,
establecen como unha das operacións estatísticas a realizar pola
Secretaría Xeral da Igualdade, a
estatística de violencia de xénero, na que se recollen os datos
correspondentes aos expedientes tramitados entre o 1 de xaneiro e o 30
de xuño de 2010, e entre o 1 de xullo e o 31 de decembro de 2010.
|
|
2.- NORMATIVA
APLICABLE.
2.1.-
Normativa da ONU.
- Declaración sobre a eliminación
da violencia cara á muller, do 20 de decembro de 1993.
- Declaración de Beijing (1995).
- Resolución 2002/52 da Comisión de Dereitos Humanos da ONU.
2.2.-
Normativa europea.
- Recomendación do Comité de
Ministros do Consello de Europa (2002) sobre a protección das mulleres
contra a violencia (adoptada o 30 de abril de 2002).
- Decisión n.º 803/2004/CE do Parlamento Europeo, pola que se aproba un
programa de acción comunitario (2004-2008) para previr e combater a
violencia exercida sobre a infancia, a mocidade e as mulleres e
protexer as vítimas e grupos de risco.
2.3.-
Normativa estatal.
2.3.1.- Lei orgánica 1/2004, do
28 de decembro, de medidas de protección integral contra a violencia de
xénero. (BOE 313, do 29-12-2004.).
2.3.2.- Real decreto 1452/2005, do 2 de decembro, polo que se regula a
axuda económica establecida no artigo 27 da Lei Orgánica 1/2004, de 28
de decembro, de medidas de protección integral contra a violencia de
xénero.
2.3.3.- Lei 27/2003, de 31 de xullo, reguladora da Orde de protección
das vítimas da violencia doméstica.
2.3.4.- Real Decreto 95/2009, do 6 de febreiro, polo que se regula o
sistema de rexistros administrativos de apoio á Administración de
Xustiza.
2.3.5.- Real Decreto 1369/2006, do 24 de novembro, polo que se regula o
programa de renda activa de inserción para desempregados con especiais
necesidades económicas e dificultade para encontrar emprego.
2.4.-
Normativa autonómica.
2.4.1.- Estatuto de autonomía
para Galicia,
2.4.2.- Reais decretos de transferencia 2411/1982, do 24 de xullo, e
534/1984, do 25 de xaneiro.
2.4.3.- Lei 13/2008, do 3 de decembro, de servizos sociais de Galicia.
2.4.4.- Lei 11/2007, do 27 de xullo, galega para a prevención e o
tratamento integral da violencia de xénero.
2.4.5.- Lei 2/2007, do 28 de marzo, do traballo en igualdade das
mulleres de Galicia. “Disposición adicional sexta.-Mulleres con
especiais dificultades de inserción laboral ou en situacións marcadas
pola desvantaxe social. A expresión mulleres con especiais dificultades
de inserción laboral ou en situacións marcadas pola desvantaxe social
utilizada nesta lei comprenderá, sempre como mínimo, para os efectos
desta lei e dos seus desenvolvementos regulamentarios, a mulleres: a)
vítimas de violencia de xénero…”
2.4.6.- Resolución do 26 de marzo de 2010 (DOG nº 61, do 31 de marzo),
pola que se regulan as bases e se convocan axudas periódicas de
apoio a mulleres que sofren violencia.
2.4.7.- Resolución do 12 de agosto de 2010 (DOG Nº 158, do 18 de
agosto), da Secretaría Xeral da Igualdade, pola que se modifica a do 26
de marzo de 2010 pola que se regulan as bases e se convocan axudas
periódicas de apoio a mulleres que sofren violencia de xénero.
2.4.8.- Resolución do 18 de novembro de 2010 (DOG Nº 226, do 24 de
novembro), da Secretaría Xeral da Igualdade, pola que se modifica a do
26 de marzo de 2010 pola que se regulan as bases e se convocan axudas
periódicas de apoio a mulleres que sofren violencia de xénero.
2.4.9.- Resolución do 20 de decembro de 2010 (DOG nº 2, do 4 de
xaneiro), da Secretaría Xeral da Igualdade, pola que se fai público o
esgotamento do crédito para as axudas periódicas de apoio a mulleres
que sofren violencia de xénero.
2.4.10.- Resolución do 18 de maio de 2010 (DOG nº 96, do 24 de maio),
da Secretaría Xeral da Igualdade, pola que se establecen as bases
reguladoras e se convocan as axudas establecidas no artigo 27 da Lei
orgánica 1/2004, do 28 de decembro, de medidas de protección integral
contra a violencia de xénero, e no artigo 43 da Lei 11/2007, do 27 de
xullo, galega para a prevención e o tratamento integral da violencia de
xénero.
2.4.11.- Orde do 2 de maio de 2006 pola que se regula o programa de
fomento da inserción laboral das mulleres vítimas de violencia.
2.4.12.- Decreto 84/2010, do 27 de maio, polo que se regula o Programa
Aluga, para o fomento do aluguer de vivendas na Comunidade Autónoma de
Galicia.
2.4.13.- Orde do 12 de xullo de 2007 pola que se regulan medidas de
acción positiva para a adxudicación de vivendas no programa de vivenda
de aluguer a mulleres vítimas de violencia de xénero.
2.5.-
Organización.
2.5.1.-
Normas competenciais:
2.5.1.1.-
Decreto 82/2009, do 21 de abril, polo que se establecen os centros
directivos dependentes da Presidencia da Xunta de Galicia
2.5.1.2.- Decreto 325/2009, do 18 de xuño, de estrutura orgánica dos
órganos superiores dependentes da Presidencia da Xunta de Galicia,
modificado polo Decreto 215/2010, do 16 de decembro.
|
|
3.- UNIDADES
ESTATÍSTICAS.
3.1.- PRESTACIÓNS
ECONÓMICAS DIRECTAS.
|
|
3.1.1.- Axuda de
pagamento único.
Expedientes de concesión de axudas de
pagamento único a mulleres vítimas de violencia de xénero.
No ano 2010 réxese pola Resolución do 18 de
maio de 2010 (DOG nº 96, do 24 de maio), da Secretaría Xeral da
Igualdade, pola que se establecen as bases reguladoras e se convocan as
axudas establecidas no artigo 27 da Lei orgánica 1/2004, do 28 de
decembro, de medidas de protección integral contra a violencia de
xénero, e no artigo 43 da Lei 11/2007, do 27 de xullo, galega para a
prevención e o tratamento integral da violencia de xénero.
Segundo se establece no artigo 8º da citada
resolución, a situación de violencia acredítase pola orde de protección
a favor da vítima, informe do Ministerio Fiscal que indique a
existencia de indicios de que a denunciante é vítima de violencia de
xénero en tanto non se dite a orde de protección, así como a sentenza
condenatoria definitiva, ou definitiva e firme, que conteña medidas de
protección que acrediten a actualidade da situación de violencia.
Os requisitos esixibles son ser muller,
maior de idade ou emancipada; carecer de rendas que, en cómputo
mensual, superen o 75 por cento do salario mínimo interprofesional
vixente, excluída a parte proporcional de dúas pagas extraordinarias;
ter especiais dificultades para obter un emprego, que se acreditará a
través do informe do Servizo Público de Emprego; ter vixentes as
medidas de protección establecidas nunha orde de protección, informe do
Ministerio Fiscal ou sentenza xudicial, e non ter percibido esta axuda
con anterioridade. A axuda é exclusivamente compatible coas axudas
previstas na Lei 35/1995, do 11 de decembro, de axudas e asistencia ás
vítimas de delitos violentos e contra a liberdade sexual. En
consecuencia, é incompatible coa percepción de calquera outra axuda
establecida tanto polas administracións públicas ou calquera dos seus
organismos, entes ou sociedades, como por calquera entidade privada
destinada ao mesmo fin.
A axuda consiste na
contía
económica seguinte:
Tipoloxía
|
Importe do subsidio
de desemprego
|
- Con carácter xeral
|
6 meses
|
- 1 familiar ou
menor acollido pola vítima.
|
12 meses
|
- Discapacidade da
vítima ≥ 33 %
|
12 meses
|
- 2 ou mais
familiares ou menores acollidos pola vítima, ou 1 familiar e 1 menor.
|
18 meses
|
- 1 familiar ou
menor acollido pola vítima, e conxuntamente discapacidade da vítima ou
da persoa dependente ≥ 33 %
|
18 meses
|
- 2 ou máis
familiares ou menores (ou 1 familiar e 1 menor) acollidos pola vítima,
e conxuntamente, discapacidade ≥ 33 % da vítima ou da persoa dependente
|
24 meses
|
- Vítima, ou
familiar ou menor acollido con discapacidade ≥ 65 %
|
24 meses
|
3.1.2.- Axuda
periódica.
Expedientes de concesión de axudas de
pagamento periódico a mulleres vítimas de violencia de xénero.
No ano 2010, réxese pola Resolución do 26 de
marzo de 2010 (DOG nº 61, do 31 de marzo), pola que se regulan as bases
e se convocan axudas periódicas de apoio a mulleres que sofren
violencia modificada pola Resolución do 12 de agosto de 2010 (DOG Nº
158, do 18 de agosto), da Secretaría Xeral da Igualdade, pola que se
modifica a do 26 de marzo de 2010 pola que se regulan as bases e se
convocan axudas periódicas de apoio a mulleres que sofren violencia de
xénero e pola Resolución do 18 de novembro de 2010 (DOG Nº 226, do 24
de novembro), da Secretaría Xeral da Igualdade, pola que se modifica a
do 26 de marzo de 2010 pola que se regulan as bases e se convocan
axudas periódicas de apoio a mulleres que sofren violencia de xénero,
así como pola Resolución do 20 de decembro de 2010 (DOG nº 2, do 4 de
xaneiro), da Secretaría Xeral da Igualdade, pola que se fai público o
esgotamento do crédito para as axudas periódicas de apoio a mulleres
que sofren violencia de xénero.
O artigo 1 desta resolución dispón que “ten
por obxecto establecer as bases que rexerán a concesión de axudas
económicas, individuais e de carácter periódico, de apoio a mulleres
que sofren violencia de xénero, baixo o réxime de concorrencia non
competitiva.”
Son requisitos para percibir esta axuda:
ser muller, maior de idade ou emancipada, residir na Comunidade
Autónoma de Galicia, acreditar a situación de violencia derivada de
convivencia con algún dos documentos seguintes: certificación da orde
de protección ou da medida cautelar, testemuño ou copia autenticada
polo/a secretario/a xudicial da propia orde de protección ou da medida
cautelar; sentenza de calquera orde xurisdicional, que declare que a
muller sufriu violencia de xénero; informe dos servizos sociais e/ou
sanitarios da administración pública autonómica ou local, informe dos
servizos de acollida ou informe do Ministerio Fiscal que indique a
existencia de indicios de violencia, carecer de dispoñibilidade de
recursos económicos ou ser de contía insuficiente para afrontar unha
independencia inmediata do seu agresor e non ter percibido esta axuda
con anterioridade.
A axuda consiste nunha contía económica
destinada directamente á beneficiaria, de carácter periódico, ata o
máximo de doce mensualidades, sempre que nese período subsistan as
circunstancias polas que se concedeu. As contías son:
Ingresos
|
Contía axuda por mes
|
Renda ≤ IPREM 2009
/// ou discapacidade ≥ 33 %
|
600 €
|
IPREM 2009 ≤ Renda ≤
(IPREM 2009) * 2
|
400 €
|
(IPREM 2009) * 2 ≤
Renda ≤ (IPREM 2009) * 3
|
200 €
|
As contías incrementaranse en cincuenta (50)
euros ao mes por cada filla/o menor de idade a cargo.
A contía da axuda concedida aboaráselles ás
solicitantes en pagamentos periódicos por mensualidades vencidas.
3.1.3.- Indemnización establecida no
artigo 43 da Lei 11/2007, do 27 de xullo, galega para a prevención e o
tratamento integral da violencia de xénero.
Expedientes de concesión da axuda
establecida no artigo 43 da Lei 11/2007, do 27 de xullo, galega para a
prevención e o tratamento integral da violencia de xénero.
No ano 2010 réxese pola Resolución do 18 de maio de 2010 (DOG nº 96, do
24 de maio), da Secretaría Xeral da Igualdade, pola que se establecen
as bases reguladoras e se convocan as axudas establecidas no artigo 27
da Lei orgánica 1/2004, do 28 de decembro, de medidas de protección
integral contra a violencia de xénero, e no artigo 43 da Lei 11/2007,
do 27 de xullo, galega para a prevención e o tratamento integral da
violencia de xénero.
Esta de axúdas ten por obxecto proporcionar
axuda económica en forma de
indemnización dirixida ás mulleres que sofren violencia de xénero e/ou
as e os menores ou persoas dependentes delas polos danos e prexuízos
ocasionados como consecuencia da situación de violencia. Trátase de
indemnizacións fixadas mediante sentenza xudicial ditada por xulgados e
tribunais con sede no territorio galego, no caso de incumprimento, por
insolvencia, por parte do obrigado a satisfacelas.
Poden ser beneficiarias destas axudas: as mulleres que sufran violencia
de xénero, as persoas menores de idade que dependan dunha muller que
sufra violencia de xénero, as persoas maiores de idade que dependan
economicamente dunha muller que sufra violencia de xénero e as persoas
dependentes baixo o coidado dunha muller que sufra violencia de xénero.
Son requisitos para percibir esta axuda:
estar empadroada e ter
residencia efectiva en calquera dos concellos da Comunidade Autónoma de
Galicia, ter dereito á percepción dunha indemnización, por danos e
perdas derivados dunha situación de violencia de xénero, recoñecida
nunha resolución xudicial firme ditada por un xulgado ou tribunal con
sede na Comunidade Autónoma de Galicia, que exista constatación
xudicial do incumprimento do deber de satisfacer a indemnización por
insolvencia do obrigado ao pagamento e que a persoa beneficiaria se
atope nunha situación de precariedade económica como consecuencia da
falta de pagamento da indemnización xudicialmente recoñecida.
A contía da indemnización é a fixada pola resolución xudicial
correspondente que quede pendente de pagamento tras a declaración de
insolvencia do obrigado a el, sen que a contía máxima poida ser
superior a 6.000 € por cada persoa beneficiaria.
|
|
3.2.- PRESTACIÓNS
DE SERVIZOS.
|
|
3.2.1.- Atención
polo Punto de Coordinación das Ordes de Protección.
Expedientes de seguimento de medidas de
protección de mulleres vítimas de violencia de xénero.
Estes expedientes ábrense pola entrada no
PCOP, dependente da Secretaría Xeral da Igualdade, da comunicación dos
xulgados competentes da adopción dunha
resolución xudicial (auto ou sentenza) que implica pronunciamento sobre
medidas ou ordes de protección. A información
(sentenzas/autos/medidas/ordes de protección) remítese desde os
xulgados. O funcionamento xeral é de apertura dun expediente por
vítima; o que supón que en certo número de casos dentro dun mesmo
expediente, faise un seguimento a sucesivas medidas ou ordes de
protección.
|
|
3.3.-
ACREDITACIÓNS.
|
|
Solicitudes e expedición de
certificacións/acreditacións da condición de vítima de violencia de
xénero.
3.3.1.-
Certificación acreditativa da condición de vítima de violencia de
xénero, aos efectos da incorporación ao programa de inserción laboral
deste colectivo.
O artigo 2º.b da orde do
Orde do 2 de maio de 2006 establece como un dos documentos que debe
acompañar á solicitude de incorporación ao programa, a Certificación
acreditativa da condición de vítima, expedida polo Punto de
Coordinación das Ordes de Protección, dependente da Secretaría Xeral da
Igualdade.
3.3.2.- Informe
técnico da Secretaría Xeral da Igualdade.
Debe incluír referencias á
situación persoal e familiar da solicitante, á intervención social
acordada e á súa situación de vivenda, aos efectos da adxudicación
directa de vivendas de aluguer a mulleres
vítimas de violencia de xénero. (Decreto 84/2010, do 27 de maio, polo
que se regula o Programa Aluga, para o fomento do aluguer de vivendas
na Comunidade Autónoma de Galicia e Orde do 12 de xullo de 2007
pola que se regulan medidas de acción positiva para a adxudicación de
vivendas no programa de vivenda de aluguer a mulleres vítimas de
violencia de xénero).
|
|
|
4.- DATOS
ESTATÍSTICOS.
|
|