CSV (90 Kb) | Datos proporcionados ao censo polas entidades |
O Censo de entidades xuvenís da Xunta de Galicia contén a relación e datos das organizacións xuvenís e as entidades prestadoras de servizos á xuventude.
É único e dispón de dúas tipoloxías de entidades, as xuvenís (asociacións xuvenís, organizacións xuvenís e consellos de xuventude municipais ou de ámbito local debidamente constituídos) e as prestadoras de servizos á xuventude. Neste último epígrafe inscríbense aquelas asociacións de carácter xeral que estatutariamente prevén a existencia dunha rama ou sección xuvenil e que entre os seus fins recollen a dedicación a actividades para mozos e mozas (quedando excluídas desta categoría as asociacións que son de tipo docente ou deportivo).
No ficheiro .csv figuran os datos de contacto e número de inscrición no censo de cada entidade, ademais da súa categorización segundo o seu ámbito de actuación (provincial ou autonómico), tipoloxía (asociación xuvenil ou entidade prestadora de servizos á xuventude) ou natureza, que pode ser de tipo:
- Medioambiental
- Político-sindical
- Estudantil
- Prestadora de servizos sociais
- Cultural-recreativa
- De tempo libre
- Relixiosa
- Intercultural
Vixencia do censo
Este censo ten unha vixencia anual, pois as entidades que desexen continuar nel deben ratificar a súa inscrición todos os anos. Esta é, ademais, condición indispensable para poder recibir as subvencións do organismo con competencias en materia de Xuventude, segundo sinala o Decreto 50/2000, do 20 de xaneiro, polo que se refunde e actualiza a normativa vixente en materia de xuventude no seu Título IV (Censo de entidades xuvenís).
- Data de alta: 09-04-2013
- Data de actualización: 01-03-2024
- Frecuencia de actualización: mensual
- Licenza: Creative Commons Recoñecemento 3.0
- Fonte de datos: Consellería de Política Social e Xuventude
...outros conxuntos de datos de Saúde, asistencia sanitaria e servizos sociais