Smart Weather de Smart GalApps é unha aplicación para dispositivos móbiles de Apple e con sistema operativo Android que permite que sexa o/a propio/a usuario/a quen faga o seu prognóstico personalizado a partir de imaxes animadas de datos pasados e doutras de predición dos próximos días.
Ademais da predición meteorolóxica para distintas zonas de América, Europa, Península Ibérica, norte de África e España, esta aplicación mostra as últimas imaxes captadas por satélites, sistemas de detección de raios, radares de choiva... de forma que ofrece secuencias de imaxes nas que se mostra a evolución atmosférica. Así, por exemplo, poden consultarse as imaxes dos radares de choiva para saber onde está caendo actualmente ou seguir a evolución desta nas últimas horas para saber cara a onde se dirixe. As imaxes poden compartirse por correo electrónico e nas redes sociais.
Entre os datos que emprega Smart Weather, e xunto con outros da AEMET, IPMA e NOAA, están algúns dos publicados en Abert@s e procedentes de MetoGalicia, como por exemplo os de predición meteorolóxica e oceanográfica ou os da rede de detección de raios.
Tes algunha dúbida sobre os formatos ou as condicións de uso do portal?
Coñeces algunha aplicación que reutilice os seus datos ou desenvolviches algunha a partir deles?