O Instituto Galego de Estatística (IGE) expón a súa información a través dunha Interface de Programación de Aplicacións (API) para mellorar o acceso aos seus datos e fomentar a súa reutilización. Estes, están accesibles a través dunha petición HTTP GET, a partir da cal persoas e/ou empresas que desenvolven software poden obter información do Instituto para integrala nos seus propios servizos.

Desta forma, o IGE ofrece a posibilidade de configurar a información que cada usuario precise sobre unha url desde a cal pode ter acceso aos datos que escolleu previamente. A partir desa url tamén poderá xerar outras similares con diferentes extraccións de datos, simplemente cambiando algún parámetro.

A API para descarga de indicadores do IGE ofrece datos sobre as seguintes temáticas:

• Poboación
• Sanidade
• Educación
• Traballo
• Benestar e condicións de vida
• Cultura e lecer
• Agricultura e pesca
• Enerxía e industria
• Construción e vivenda
• Servizos
• Administración Pública
• Sector exterior
• Prezos
• Actividade empresarial
• Sistema de contas
• Sociedade da información
• Ciencia e tecnoloxía
• Territorio

A utilización desta API leva implícita a aceptación das condicións de uso que o IGE especifica nesta páxina, na que tamén se recollen exemplos de uso dos formatos de resposta que se ofrecen (JSON e CSV) e unha descrición da estrutura dos ficheiros.