A estatística tributaria autonómica é unha operación estatística de carácter oficial e periodicidade anual, que ten como obxectivo recompilar, sintetizar e difundir os aspectos máis importantes que caracterizan os ingresos de natureza tributaria da comunidade autónoma.

A información recollida nesta publicación estrutúrase en catro bloques:

• Recadación tributaria líquida da Xunta de Galicia e dos seus organismos autónomos
• Dereitos recoñecidos netos dos recursos tributarios da Xunta de Galicia e dos seus organismos autónomos
• Indicadores de recadación do exercicio corrente e de anteriores
• Rendemento atribuído á Comunidade Autónoma de Galicia polos tributos cedidos xestionados polo Estado

En canto á presentación dos datos, ofrécense tanto resumos numéricos agrupados en táboas como representacións gráficas que facilitan a interpretación dos resultados.