A Lei 13/2006, do 27 de decembro, de horarios comerciais de Galicia, determina que os domingos e días festivos nos que os establecementos comerciais poden permanecer abertos ao público serán, como máximo, dez ao ano.

Os determinados para a apertura en 2017 poden consultarse neste calendario, dispoñible en formato  .csv, .ods, .xlsx e tamén no estándar iCalendar, que lle permite ao usuario subscribirse aos datos de forma que poida aplicalos a un calendario (do seu ordenador, dispositivo móbil...).

Os festivos de 2017 veñen determinados pola Orde do 27 de setembro de 2016 pola que se establecen os domingos e festivos nos que se autoriza a apertura de establecementos comerciais durante o ano 2017, posteriormente modificada pola Resolución do 7 de decembro de 2016 que, a solicitude dos respectivos concellos, modifica os días hábiles en Arteixo, Betanzos e Culleredo.