Os desfibriladores semiautomáticos externos, tamén coñecidos como DESA, son un produto sanitario destinado a analizar o ritmo cardíaco, identificar as arritmias mortais tributarias de desfibrilación e administrar unha descarga eléctrica coa finalidade de restablecer o ritmo cardíaco viable con altos niveis de seguridade.

Así os define o Decreto 38/2017, do 23 de marzo, que regulou en Galicia a súa instalación e o uso fóra do ámbito sanitario, creando tamén o Rexistro de Desfibriladores Externos de Galicia.

O ficheiro contén a información recollida neste rexistro en relación a:

• o número de rexistro de cada desfibrilador
• a entidade pública ou privada que o solicitou
• o lugar onde se atopa (dirección postal e coordenadas xeográficas)
• o tipo de instalación no que está dispoñible (administracións ou institucións públicas, albergues de peregrinos, aeroportos, estacións, centros docentes, empresas privadas, instalacións deportivas, piscinas municipais...).