Calendario de 2020 dos días nos que se publican as estatísticas conxunturais, de periodicidade mensual e trimestral, do Instituto Galego de Estatística.

A información que proporciona inclúe a data de referencia na que estarán dispoñibles os resultados. As actividades estruturais, de periodicidade igual ou superior ao ano, móstranse debaixo do calendario de cada mes e difúndense na páxina web do IGE ao longo dese período.

As estatísticas cuxa referencia se contempla no calendario, xunto coas siglas polas que se recoñecen, son:

• EC - Estatística de construción de edificios
• AfiSS - Explotación das afiliacións á Seguridade Social
• IPC - Índice de prezos ao consumo
• CEXT - Comercio exterior e intracomunitario
• IVU - Índices de valor unitario para o comercio exterior
• EPA - Enquisa de poboación activa
• EPAx - Enquisa de poboación activa. Estudo sobre a relación coa actividade da poboación xuvenil
• IASS - Indicadores de actividade e de VEB do sector servizos
• IPRI - Índice de prezos industriais
• ECF - Enquisa conxuntural a fogares
• BORME - Explotación do Boletín Oficial do Rexistro Mercantil
• IC - Índices de competitividade
• EPAF - Estatística de fluxos da poboación activa
• AfiSSC - Afiliacións á Seguridade Social por concello de residencia do/a afiliado/a
• IPI - Índice de produción industrial
• IVCM - Índice de vendas de comercio polo miúdo

O calendario está dispoñible en formato .ics (estándar iCalendar que lle permite á persoa usuaria subscribirse aos datos de forma que poida aplicalos a un calendario do seu ordenador, dispositivo móbil...).